littlehope

వీడను నీ దారే

కలనైన నే వీడను నీ దారే
యెప్పుడైనా పెదవి పలికే నీ పేరే
విజయమే నీ తలపుతో ముందుకు సాగితే
విరహమే తీపి వరమే నిన్నే కోరుకుంటే
ముగిసిన కథ కానే ఇప్పుడే మొదలే

చీకటిని చీల్చే వెలుగై రానా
వేకువలో నీతో వేడుక జరుపుకోనా
కాలం కాదన్నా లోకం అడ్డైనా
వీడను నీ దారే
మది పలికే నీ పేరే

కన్నీటిని తుడిచే గాలై తాకనా
వెన్నెలలో నీ కౌగిలిలో ఒదగనా
వ్రాతని మార్చైన రేపటిని ఎదిరించైనా
వీడను నీ దారే
మది పలికే నీ పేరే

కలనైన నే వీడను నీ దారే
యెప్పుడైనా పెదవి పలికే నీ పేరే
విజయమే నీ తలపుతో ముందుకు సాగితే
విరహమే తీపి వరమే నిన్నే కోరుకుంటే
ముగిసిన కథ కానే ఇప్పుడే మొదలే